Durango Azokak berreskuratu du aurrez aurreko formatua. Hobeki esanda, formatu bikoitza izanen da aurtengoa, bertsio digitala ere izanen delako. Batean zein bestean izanen dugu zer ikusi, entzun eta irakurri. Izan ere, 219 erakusmahai egongo dira 990 nobedaderekin: 733 liburu, 143 disko, 37 aldizkari eta 77 bestelakoak. Horietatik 5 liburu hautatu ditugu gure ezinbestekoen liburutegian eduki beharrekoak. Online denda abenduaren 3tik 7ra egongo da martxan azokako webgunean, eta Durangora bertara joanez gero, gogoan izan txanda hartu behar dela aldez aurretik.
Gehiago
Urriko lehen asteburuan hasi zen 2021eko Nafarroako Bertsolari Txapelketa. Lehen fasea bukatuta, aste honetan hasi dira finalerdiak. Bihar jokatuko da bigarren finalaurrekoa Berriozarren. Julio Soto, Saioa Alkaiza, Josu Sanjurjo, Alazne Untxalo, Mikel Lasarte eta Patxi Castillo lehiatuko dira bertan.
Gehiago
Hona hemen urriko literatur proposamena: `Odolekoak´, Antxine Mendizabalen lehendabiziko nobela.
Gehiago
Euskarabideak abian du Sarean Euskaraz programaren 5. edizioa, euskarazko kultura digitala sustatu eta ezagutarazteko. Nafarroako hainbat herritan antolatu dira ikastaroak, bereziki gazteei zuzenduak, baina ez dago adin mugarik. Ikastaro guztiak teknologia berriei eta ikus-entzunezkoei buruzkoak izanen dira.
Gehiago
Hiriguneko gazteen artean euskara eta euskarazko kultura sustatzea du helburu proiektuak. Abiapuntua gazteen inguruko ikerketa bat da eta helburua, besteak beste, gazteek aktiboki parte hartzea euskararen eta euskal kulturaren transmisioan.
Gehiago
Agerraldia egitasmoak bere lehenbiziko pausoak eman ditu eta horren berri emateko bideo bat aurkeztu dute, oihartzun handia izaten ari dena. "Ager vasconumean" kokatzen da Agerraldia, Garestik Kortesera eta Zangozatik Bianara, eremu hau erdigunean kokatzeko bokazioz.
Gehiago
Iragan irailaren 27 hasi zen Egunean Behin jokoaren 8. denboraldia. Aurreko urtean bezala denboraldiko babeslea ETB izango da, eta denboraldiko 11 asteak amaitzean, telebista bidezko zuzeneko beste final bat egongo da.
Gehiago
Uda honetan Nafarroako txokoak ezagutzeko gonbitea egiten ari da Elaide, oporraldiek ematen duten aukera aprobetxatzeko. Duela bi aste, Larraun harana eta inguruak bisitatzeko proposamena egin zuen; oraingoan, berriz, Nafarroako erdiguneko historia handiko herrira joateko gonbitea luzatzen du: Tafalla.
Gehiago
Azken boladan musikazaleen arreta piztu duten musika talde berri asko sortzen ari da Nafarroan, horietako bat Tatxers da. Taldea 2018an sortu zuten Martin Ziriza, Iñigo Soria eta Jon Salinas gazte iruindarrek.
Gehiago
Datorren abuztuaren 8an, igandearekin, eginen dute pastoral honen azken emanaldia. Aurtengoan, uztailaren 25etik abuztuaren 8ra bitartean, lau emanaldi burutuko dituzte. Hirugarren urtez antzeztuko dute Zuberoako Urrüstoi-Larrabileko herritarrek Jean-Louis Davant-ek zuzendutako obra.
Gehiago
Joan zen udan hasitako bidea jarraituz, aurten ere Nafarroako txoko ederrak bisitatzeko proposamenarekin gatoz: oraingoan Nafarroako ipar-mendebaldean dagoen Larraungo harana eta inguruak ezagutzera gonbidatzen zaituztegu.
Gehiago
Koronabirusaren eraginez Euskal Herrian udan egin ohi diren musika jaialdi gehienak bertan behera geratu ziren iaz, izurriak eragindako egoerak hartara behartuta. Aurten, horietako batzuk berreskuratu egin dituzte. Osasun egoerara egokituta egingo dira ekitaldi gehienak. Halere, bada datorren urtera begira jarri denik ere, behar bezala antolatzeko baldintzak oraindik egokiak ez direlakoan. Hona hemen egingo denaren eta egin ez denaren gida.
Gehiago
Hona hemen uztailako literatur proposamena: Juliana Léveillé-Trudelen ´Nirliit´, Aiora Jakak euskarara itzulia (Txalaparta, 2021).
Gehiago
ELAIDEn euskarazko kultur ekimenen berri ematen jarraituz, oraingo honetan Urmuga ekimenaren 2021eko edizioa aurkeztu nahi dugu. Jaialdi honetan, mendizaletasunak eta musikak bat egiten dute Euskal Herriko uren banalerroa zeharkatzen duen bidaian.
Gehiago
Ezagutza da maitatzeko atea, izan ere, maitatzea eta ezagutzea txanpon beraren bi aldeak dira. Euskarara bere hitzen bidez hurbildu eta maitatzen hasteko gonbita da erakusketa.
Gehiago
