"Apalabrados" joko arrakastatsuak, baita euskarazko bertsioak ere, 10 urte beteko ditu 2022an. Denbora honetan guztian, erabiltzaile euskaldun asko lotu dira entretenimendu honetara mugikorren eta Facebooken bidez. Aplikazioak sareko beste erabiltzaile batzuekin jolasteko eta elkarreragiteko aukera ematen du, eta 18 hizkuntzatan dago eskuragarri, hala nola ingelesez, gaztelaniaz, katalanez...
Gehiago
Patxi Zubizarretak Zerria gazteendako —zein helduendako— narrazio laburrarekin irabazi du Zarauzko Udalak antolatzen duen 40. Lizardi saria. Antton Olariagak egin dizkio marrazkiak eta Erein argitaletxeak plazaratu du. Ez da Zubizarretak Lizardi Saria irabazten duen lehen aldia (Matias Ploff-en erabakiak, Erein, 1992) haurrendako narrazioan irabazi zuelako beste behin.
Gehiago
Dohino historialaria da, eta Tokion hasi zen poliki-poliki gramatika ikasten. Pandemia hasi baino lehen, Madrilera joan zen Europako historiako masterra egitera, eta bertako Euskal Etxean jarraitu zuen ikasitakoa ez ahazteko. Masterra zela eta, Euskal Herrira hasi zen etortzen, hilero, Lekeitiora batez ere. Oñatin bizi da orain, “euskaldunez inguraturik”, berak dioen moduan, 1766. urtean Gipuzkoan izandako matxinadak aztertzen dituen bitartean. Eta haiekin euskaraz egiten du beti, ez omen diotelako gazteleraz egiten uzten.
Gehiago
Iragan martxoaren 17an aurkeztu zuten Laba sareak Euskalerria Irratiarekin elkarlanean sortutako podcasta. Iruñerriko gaiak lantzen dituen umorezko saioa da, Laba aretoan zuzenean grabatzen dena. Joan den ostegunekoa proba saioa izan zen, zerogarrena, eta apirilaren 7tik aurrera hamabostean behin grabatuko da, 19:30ean, Laban.
Gehiago
Euskarak Nafarroan eta hiriburuan bertan, mendez mende, izan duen garrantzia erakusten duen lan hau Nafarroako Gobernuak egindako lehen podcasta da.
“Euskara aleka” podcast sorta baten izenburua da, euskarak Nafarroan eta hiriburuan bertan mendez mende izan duen garrantzia erakusteko edota gogora ekartzeko. Euskararen gaineko printzak ematen dira 26 ataletan, bai euskaraz, bai gaztelaniaz, guztiak ere jakingarri eta entretenigarri, gaur egun hain hedapen handia izaten ari den euskarrian emanik: podcastean, alegia. Izan ere, zabalkunderako formatu aproposa da gisa horretako edukiak hedatzeko.
Gehiago
Hasi da, dagoeneko, Korrika. Hasierak ez du eguraldia lagun izan, izan ere euri artean abiatu da, eta datozen egunetan elurra ikusiko du ere. Baina hori, ordea, ez da eragozpen milaka lagunek apirilaren 10a arte, euskararen alde, tipi-tapa, gure geografia osoko errepide eta kaleak hartzeko.
Gehiago
